كان يا مكان
كان في أرض ونيل وإنسان
خاف الناس من جفاف النيل
صلوا الناس وسألوا ربنا
يا ربنا
تفيض وما تجف يا نيل
يا رب تزيد وما تقل يا نيل
وفجأة الرب إستجاب
زاد النيل ومنسوبه علي
أتجمعوا الدارسين والعلماء
علشان يفكروا ويخططوا
والعلماء بالإستشعار عن بعد وعلوم الفضاء
عارفين قالوا أيه يا أولاد
عاوزين نحافظ على الخير إللي زاد
والنيل إللي فاض
وعلماء الفضاء قالوا
إن في زيادة في كمية الأطماء
وتجمعت الأراء
قال الأولاد يعني أيه أطماء ؟
رد العلماء قالوا
أطماء جمع طمي
والطمي لازم للزراعة
لازم نشوف الخريطة المائية
لازم نضع إستراتيجية
ونستفيد من مخزون المياه
إللي في بحيرة ناصر جاية
والباحثين والجيولوجيين بيقولوا
إندفاع مياه النيل من بحيرة ناصر لمنخفض توشكى
مياه وفيرة
تكفي لأراضي كثيرة
لازم نزود المساحات
ونستغل الإمكانيات
لمياه النيل الوفيرة
ماتعرضوش مياه النيل للبخر
في بحيرة ناصر
ليكون المصري هو الخاسر
وفي توشكى بحيرات
لازم تستغل بالزراعات
إشحنوا الخزانات
دا الصحراء الغربية في الجنوب والغرب
فيها تغيرات مائية
شافها العلماء بالأقمار الصناعية
وحللوا وعرفوا الإرتفاعات الرقمية
والتغيرات المائية
وقالوا إن الصحراء الغربية في مصر من الجهة الغربية
هايكون فيها بأستمرار تغيرات مائية
والإستمرار في التغيير
ممكن ينتج عنه تقليل للكمية المائية في بحيرة ناصر
ميه تقل وطمي يزيد
بدل البخر
نتوسع زراعيا
ويكون في فخر
بدل من ضياع المياه في البخر
يالا يا أولاد
إتعلموا وإقرأوا
إجمعوا المعلومات
أبنوا قاعدة بيانات
يالا يا أولاد
تابعوا التغيرات
في بحيرة ناصر
تابعوا بالليل والنهار
خلوا بالكوا من الإستشعار
علشان نتجنب البخر
ونتجنب الإهدار
ــــــــــ
نادية علي أحمد
رئيس مجلس الأمناء
المدير التنفيذي
مدير تنمية الموارد البشرية
ساحة النقاش