كان يا مكان
كان في زمان
ومن سنين وسنين
سنة 1959
في منطقة سقارة المصرية
بحث عالم مصريات
عن التحف الأثرية
في عصر الأسرة ال19 الفرعونية
كان في عالم مصري اسمه زكريا غنيم
بحث ودور في منطقة سقارة الفرعونية
عن أثار مصرية
اكتشف قناع
كان قناع كا نفرنفر
وده قناع من سنين وسنين
عمره 3200 عام
القناع كان ثمين
كان مصنوع من الذهب والزجاج
كان اكتشافه القناع والتابوت
وأيام تعدي وأيام تفوت
ومرة كانوا الحراس نيام
وفجأة دخل عليهم هجام
أصله كان سارق الأثار
وجري وهرب من الدار
وعدى بأثارنا المصرية
جبال وأنهار
وفي المتحف الأمريكي
حطوا الأثار
يا أولاد يا مصريين
ولاد زيكم تاني مصريين
شافوا أثارنا المصرية
في الأراضي الأمريكية
صرخوا وقالوا
دي أثارنا وأثار جدودنا الفرعونية
وسألوا أثارنا المصرية
إزاي راحت الأراضي الأمريكية ؟
أثارنا دي مسروقة من ديارها المصرية
لديار أراضي أمريكية
والديار الأمريكية دي مش ديارها
اتسرقت من الأراضي المصرية وهي في عقر دارها
المصري أهمل شوية وهجرها
أثارنا المصرية لازم تعود لديارا
إنتم عارفين يا أولاد
أجدادنا القدماء المصريين
أد إيه ما تعرفوش هما زعلانين
نائمين مدفونين لكن حاسين
شوفوا يا أولاد
ماتزعلوش ومتيأسوش
الولاد الصغار يردوا على الكبار
لا وعد مننا
أطفال مصر الصغار
نقسم بالله يا كبار
هانرجع تاني الأثار
هانرجعها تاني للديار
ودي رسالتنا إحنا الأطفال المصرية
لكل الشعوب الأمريكية
وللأطفال الأمريكية
من فضلكم عاوزين أثارنا الفرعونية
إللي سرقت وهي دلوقت في أراضيكم الأمريكية
إللي غادرت
ومش بإيدها هاجرت
للأراضي الأمريكية
تاركة الأراضي المصرية
وعايشة غصب عنها في الأراضي الأمريكية
لو سمحتم رجعوا لنا أثارنا المصرية الفرعونية
أطفال مصريين
نداء لأطفال أمريكيين
ـــــــ
نادية علي أحمد
رئيس مجلس الأمناء
المدير التنفيذي
مدير تنمية الموارد البشرية
ساحة النقاش